çoj

Shqip

Folje

1. E marr me vete dhe e përcjell deri në një vend tjetër ose deri te dikush, shpie; e nis dikë që të shkojë deri në një vend për një qëllim, për të bërë një punë, për të mbaruar një porosi etj., dërgoj; kund. sjell.

   E çoi djalin në fshat. E çoi në shtëpi.

2. Bart deri te një vend ose deri te dikush për ta lënë atje; nis me një njeri, me një mjet ose me një mënyrë tjetër deri në një vend tjetër ose deri te dikush, dërgoj; kund. sjell, bie.

   I çoj librin (gazetën). I çoj një letër (një telegram)

3. Ia bëj të njohur diçka nëpërmjet një njeriu ose me letër, njoftoj nga larg; i shpreh nëpërmjet dikujt ose me letër urime, përshëndetje etj., i dërgoj nga larg.

   I çoj fjalë (haber). I çoj zë për diçka.

4. E drejtoj diçka që të shkojë a të godasë në një vend ose në një shenjë, dërgoj.

   E çoj në shenjë.

5. vet. veta III. Lë të kalojë nëpër të në një drejtim të caktuar, shpie.

   Kanali e çon ujin shumë larg. Gypat e çojnë lëngun te kazanët.

6. vet. veta. III. Të drejton në një vend të caktuar, të shpie.

   Rruga të çon në fshat.

7. fig. Udhëheq në një drejtim; ndihmoj që të zhvillohet, të përparojë, të ecë; shpie.

   E çoj drejt fitores.

8. Bëj që të arrijë në një përfundim të mirë ose të keq, e shpie në një gjendje të caktuar; vet. veta III ka si rrjedhim a si pasojë; shpie.

   E çoi në litar (në greminë, në varr).

9. E shpie deri në një cak a në një shkallë; rrit a zmadhoj deri në një numër.

   E çoi numrin e golave në pesë.

10. vet. veta III. Më bën të shkoj diku, më detyron të vete, më shpie.

    Më çon puna.

11. Kaloj a shkoj kohën; kaloj jetën; jetoj në një mënyrë të caktuar; rroj; shpie.

    E çon shumë mirë në fshat. E çoi jetën në mërgim.

12. vet. veta III. jokal. bised. Shkon edhe ca kohë, përdoret diçka edhe për një farë kohe; rron.

    E çojnë edhe ca muaj këto këpucë.

13. bised. E vazhdoj a e zgjat diçka për një farë kohe; jokal. zgjat a vazhdon për një kohë të caktuar.

    E çoi gjatë kuvendin (bisedën).

14. bised. E gëlltit a e kapërcej në grykë një ushqim; e shkoj poshtë a e thith në mushkëri. #: S'e çoj dot më bukën. Mezi e çoj duhanin e fortë.
15. bised. Drejtoj a ngas një kafshë pune ose një mjet transporti a udhëtimi; nis.

    Çoj qetë (kuajt). Çoj biçikletën.

Sinonime

• dërgoj

Antonime

• sjell

Në gjuhë tjera

Anglisht: to send (en), to lead (en), to direct (en), to push (en) Anglishte e thjeshtë: Arabisht: Bjellorusisht: Boshnjakisht: Bullgarisht: Çekisht: Danisht: Esperanto: Frëngjisht: Greqisht: Gjermanisht: Estonisht: Finlandishte: Hebraisht:

Hollandisht: Hungarisht: Indonezisht: Interlingua: Irlandisht: Italisht: Japonisht: Katalanisht: Kinezisht: Koreanisht: Kroatisht: Latinisht: Letonisht: Luksemburgisht: Lituanisht:

Maqedonisht: Norvegjisht: Persisht: Polonisht: Portugalisht: Rumanisht: Rusisht: Serbisht: Sllovakisht: Sllovenisht: Spanisht: Suedisht: Turqisht: Ukrainisht: Venecianisht: