besa-besë

Shqip

Besa-besë f. -

1. Zotim solemn për të vepruar së bashku për një qëllim; fjala e nderit që jepet për të përkrahur dikë ose për t'u lidhur me të. Mik me besa-besë. Bëj besa-besën. E bëj me besa-besë. Lidhem me besa-besë. I zotohem me besa-besë.
2. Përdoret si fjalë e ndërmjetme me kuptimin «me të vërtetë; për fjalë të nderit». Besa-besë, me të zor të matesh.

Gjithë vendetë gëzojnë,

ti, Shqipëri, pse pushon?

Gjithë njerëzit këndojnë,

ti, shqiptar, pse rënkon?

Gjithë duanë lirinë

dhe pa të njeriu s'rron;

ti, shqipëtar, Shqipërinë

në zgjedhë si e duron?

Zgjohuni, o shqipëtarë,

erdhi dita për liri!

Zini luftë me barbarë,

përpiqi për Shqipëri!

Të krishter' e myslimanë,

të tërë një sua kemi;

gegë, toskë, dibranë,

gjithë shqipëtarë jemi.

Mblidhuni te bëjmë benë,

të gjithë dorë për dorë:

Të duamë mëmëdhenë,

edhe malet me dëborë.

Që ditën që u shkeli

robëria dhe gjer sot

nukë bën më bar Dhëmbeli

dhe Tomori qan me lot.

Male me krye në qieli,

si duroni robërinë?

Ju që shihni drit' e diell,

pse s'ndrini dhe Shqipërinë?

Ku janë vaftet e parë,

që kini dhënë yrnek?

Ku jini, o shqipëtarë,

pse s'dëgjohet një dyfek?

Apo humbi trimëria,

apo s'doni mëmëdhenë?

A u shua Shqipëria,

që ka pjellë Skënderbenë?

Pse rrini lidhur me lak?

Pse shpëtoni vënd' tuaj?

apo s'u mbeti më gjak,

se e derdhtë për të huaj?

Mirri pushkëtë në duar

edhe bëni besa-besë:

Shqipëria do shpëtuar,

kokë turku të mos mbese!

Në gjuhë tjera

Anglisht Gjermanisht Frëngjisht Polonisht Japonisht Hollandisht Italisht Suedisht Portugalisht Spanisht Kroatisht Arabisht Greqisht Boshnjakisht Persisht

Rusisht Kinezisht Finlandishte Norvegjisht Esperanto Danisht Sllovakisht Hebraisht Çekisht Hungarisht Luksemburgisht Maqedonisht Latinisht Letonisht Rumanisht

Katalanisht Serbisht Sllovenisht Indonezisht Bullgarisht Turqisht Ukrainisht Lituanisht Koreanisht Bjellorusisht Irlandisht Estonisht Venecianisht Interlingua Anglishte e thjeshtë