sulmoj

Nga Wiktionary
Jump to navigation Jump to search

SULMOJ kal.

  • 1. usht. Hedh me vrull forca të ndryshme ushtarake kundër armikut për ta mundur e asgjësuar; hidhem në sulm, mësyj; kund. tërhiqem. Sulmuan pozicionet e kundërshtarit (kështjellën). Sulmuan nga çdo anë. Sulmonin armikun me guxim. Sulmuan qytetin e pushtuar dhe e çliruan.
  • 2. Godas papritur me forca ushtarake, bëj agresion. Agresorët sulmuan një vend të pavarur.
  • 3. fig. Godas diçka me çdo mjet për të mos e lënë të zhvillohet; e luftoj për ta dëmtuar ose shkatërruar. Sulmojnë burokratizmin (teknokratizmin). Pronarët sulmojnë të drejtat e punëtorëve. Sulmon një teori (një rrymë).
  • 4. fig. Godas dikë a hedh poshtë diçka me kritika e qortime të ashpra; bëj shpifje e trillime a përdor të shara për të dëmtuar dikë a diçka. Sulmojnë liberalizmin (teknokratizmin). E sulmuan rëndë (ashpër). E sulmonte në një artikull.
  • 5. fig. Bëj përpjekje të mëdha dhe vë të gjitha fuqitë për të arritur diçka, për të përvetësuar njohuri të reja etj.; hidhem me vrull e këmbëngulje për të mposhtur pengesat e vështirësitë. Sulmojnë për fitore të reja. Sulmojmë kodrat (malet) për t'i bërë pjellore.
  • 6. edhe jokal. sport. Ndërmarr veprime të shpejta e të organizuara për të mposhtur kundërshtarin dhe për të arritur fitoren në lojë. Sulmuan rrufeshëm. Sulmoi nga krahu i djathtë (në qendër).
  • 7. I hidhem dikujt përsipër për ta goditur, për ta grabitur etj.; i sulem. E sulmuan në rrugë.