qëlloj

Nga Wiktionary
Shko tek: lundrim, kërko

QËLLOJ kal.

1. Godit me dorë, me këmbë ose me një send; shtie me një armë për të goditur a për të dëmtuar dikë ose diçka; i bie, e rrah. E qëlloi me grusht (me pëllëmbë me shqelm). E qëlloi me shkop (me kamxhik). E qëlloi me gur (me thikë). Qëlloj me pushkë (me mitraloz). Qëlloj me shigjetë. Qëlluan llogoret (fshatin) me top. E qëlloi në fytyrë (në kokë). E qëlloi fort (rëndë, për vdekje). E qëlloi pa dashur. E qëlloi rrufeja.

2. edhe jokal. Bie në shenjë, godas ku duhet; rrok. Qëlloi në shenjë. Qëllon lart (poshtë, afër, larg).

3. fig. Kritikoj fort, godit me fjalë, fshikulloj. Qëllon pikëpamjet (mendimet) e gabuara. Qëllonte ashpër (fort). Çdo frazë e tij nuk flet, por qëllon.

4. jokal. fig. Kam një synim të caktuar në ato që them, e hedh fjalën diku, synoj, godit. Ku qëllon me ato fjalë? E kuptova se ku qëllonte.

5. fig. E bëj mirë e bukur diçka, ia dal ta thur, ta kap a ta zgjidh mirë; e godit. Nuk e paska qëlluar mirë këtë shkrim. Mirë ia paska qëlluar kësaj pune.

6. jokal. Ndodhem rastësisht në një vend ose në një gjendje të caktuar, rastis diku a në një mënyrë të caktuar, gjendem; ndodhem papritur ose padashur në rrethana të caktuara ose ndesh papritur në diçka; bie. Qëlloi i sëmurë. Nëna nuk qëlloi aty. Dera (dritarja) qëlloi hapur. Nuk i qëlluan të holla me vete. I qëlloi rruga andej. Më qëlloi rasti (puna). Qëlluam të njohur. Qëlluan në grackë (në pusi, në një minë). Qëlluan në mineral.

7. jokal. Bie në një grup njerëzish, rastis me të tjerë, hyj rastësisht në marrëdhënie me dikë; bie. Qëlloi në një familje të mirë. Qëlloi me shokë të këqij.

8. jokal. vet. veta III. Bie në një kohë të caktuar; rastis një kohë e caktuar. Qëlloi të hënën. Mund të qëllojë në fund të javës. Festa qëlloi të dielën.

9. pavet. Rastis, ndodh. Qëlloi dimër. Qëllon ndonjëherë. Qëllon të vijë. Qëllon të zgjatin shirat. I paska qëlluar mirë (keq). Si të qëlloi? Më ka qëlluar ta shoh.

10. bised. E zë (gjumi). Sapo e kishte qëlluar gjumi.

  • Qëllon (shtie) në hi shih te HI,~RI. Qëlloi (goditi) në shenjë shih te SHENJ/Ë,~A. Qëllon në xixëllonjë shin te XIXËLLONJ/Ë,~A. Gjahu në breg e qëllon në kodër shih te GJAH,~U.