plot
PLOT ndajf.
1. Aq sa nxë, deri në buzë, mbushur; aq sa merr, pa asnjë vend të pazënë ose hapësirë të zbrazët (për enët, hapësirat etj.); kund. bosh; zbrazët. Me gojën plot. Me xhepat plot. E mbushi gotën plot, ia çoi pushkën plot. Dhoma (shtëpia, salla) ishte plot. E ngarkoi qerren plot me dru (me gurë, me tulla). E mbushi koshin plot me rrush. Është plot, s'nxë më. Plot e përplot. Plot e për majë.
2. Më shumë njerëz, kafshë a sende, mbushur. Oborri ishte plot me njerëz. Kopshti ishte plot me lule. Molla ishte plot me kokrra. Vendi ishte plot me ujë (me baltë, me moçale, me drurë, me gurë). Ishte plot me morra (me krimba).
3. Shumë, sa të duash; mjaft. Ka plot. Kishin ardhur plot. U bëmë plot. Vajtën plot. -A ka shumë? - Plot.
4. Me të gjitha, pa i munguar asgjë. Tryeza ishte plot. E ka shtëpinë plot.
5. Me pamje të plotë, duke e parë të tërë. Është hëna plot është hënë e plotë. S'e shoh plot. Duket plot.
6. bised. Në shenjë; me sukses, duke arritur qëllimin, jo kot; kund. bosh. Shtiu (qëlloi) plot. Më doli rruga plot.
7. përd. pakuf. Tërë, gjithë. Plot me (bar). Plot ujë. Fytyrë plot rrudha. Plot gëzim (kënaqësi). Plot inat (urrejtje, dashuri). Plot vetëmohim. Plot gjallëri. Plot shëndet.
8. përd. pj. Pikërisht, tamam. Plot dy orë. U mbush plot një vit. Qëndroi plot një muaj. E them me plot të drejtë. Plot në orën nëntë.
- Me barkun plot i ngrënë, i ngopur. Rrafsh e plot shih te RRAFSH. Me zemrën plot me gëzim e me kënaqësi. Flas (them, kërkoj) me plot gojën (plot gojën) shih te GOJ/Ë,~A. E ka kokën plot
a) është i ditur, i mësuar; është i mençur;
b) është i bindur plotësisht për diçka. E ke lejen plot pashin (me pash) shih te PASH,~I. E ka syrin plot është i kënaqur plotësisht me diçka; i ka të gjitha. E ka xhepin plot ka shumë para; është në gjendje të mirë ekonomike. Me plot (me tërë) kuptimin e fjalës shih te FJAL/Ë, ~A. E shikon me syrin plot dikë a diçka e shikon me lakmi; e heton mirë. Vjen me duar plot vjen me arritje të shumta. Djepi plot e këmbët jashtë iron. shih te DJEP,~I. Syri plot e dora thatë shih te SY,~RI. Urtë e butë e plot tiganin fj. u. shih tek URTË.