njohur

Nga Wiktionary
Jump to navigation Jump to search

NJOHUR m.

  • Djalë a burrë, të cilin e njohim ose me të cilin kemi lidhur marrëdhënie shoqërore. Një i njohuri im. Gjithë të njohurit e mi. Takova ca të njohur. Kam shumë të njohur. Ma tha një i njohur. Dolëm të njohur.

NJOHUR f.

  • 1. Fem. e NJOHUR,~I (i). Një e njohura e saj. Ia dërgoi një e njohur.
  • 2. Diçka që e njohim, një gjë e njohur. Nga e njohura tek e panjohura.
  • 3. mat. Madhësi e dhënë; madhësi së cilës ia dimë vlerën; kund. e panjohur. E marrim si të njohur.

NJOHUR as.

  • shih NJOHJ/E 1,2. Kam të njohur me dikë njoh dikë, kam lidhje shoqërore me dikë. I jap të njohur dikujt i tregoj dikujt se kush jam. Janë martuar me të njohur.

NJOHUR mb.

  • 1. Që e njohim, që është njohur nga ne a nga të tjerë, që e dimë kush a cili është, si është ose i kujt është; kund. i panjohur. Fytyrë e njohur. Një fshatar i njohur. Rrugë e njohur. Krahinë e njohur. Hapa të njohur. Zë i njohur. Shkrim i njohur. Sëmundje e njohur. Bëj të njohur njoftoj, vë në dijeni, bëj të ditur, shpall botërisht.
  • 2. Që e njohin mirë të gjithë, që është bërë popullor me vetitë e cilësitë e mira që ka, që ka bërë emër, i dëgjuar, i shquar; keq. që e njohin të gjithë si të tillë, që është me damkë. Shkrimtar (kompozitor, këngëtar, artist, dijetar) i njohur. Melodi e njohur. Vepër e njohur. Vjedhës (hajdut, kriminel) i njohur. Agjent i njohur. Është i njohur. U bë i njohur.