fryhem

FRYHEM vetv.

1. Ënjtem (nga një sëmundje, nga një goditje etj.). Është fryrë i tëri. M'u fry dora (syri, këmba). I fryhet barku.

2. bised. Ngopem me të ngrënë, më mbushet barku. U fry mbrëmë. Nuk fryhet asnjëherë. Hëngri sa u fry.

3. vet. veta III. Shtohet sasia e ujit (të përrenjve, të lumenjve etj.), ngrihet niveli i ujit. U frynë lumenjtë (përrenjtë) nga shirat.

4. vet. veta III. Bymehet, mbufatet nga uji a nga një lëng tjetër. Fryhen dërrasat e vozës. Janë fryrë dritaret e nuk mbyllen.

5. bised. Shëndoshem shumë, ngjallem, majmem. Është fryrë shumë.

6. fig. Mbahem më të madh, krekosem e shes mend përpara të tjerëve. Fryhet si gjeli majë plehut.

7. Më hipën inati, zemërohem. Ishte fryrë sa s'flitej me të.

8. Pës. e FRYJ.

• Iu frynë ijët hëngri shumë. Iu fry koka

a) ndien lodhje të madhe nga puna mendore;

b) iu rrit mendja. U fry si qumësht shih te QUMËSHT,~I. I janë fryrë tëmthat është inatosur shumë. M'u fry zemra u hidhërova shumë, u dëshpërova. Iu fry zemra nga gëzimi u gëzua shumë, iu bë zemra mal.