drugë

Nga Wiktionary

DRUGË f.

1. Bosht i vogël e i hollë prej druri, që mbledh fillin e tjerrë me furkë; sasia e fillit të tjerrë të leshit, të pambukut etj. Që mund të mblidhet në këtë bosht. Drugë e lehtë (e rëndë). Rrotulla e drugës. Dredh drugën. Ka tjerrë dy druga lesh.

2. Vegël e drunjtë e avlëmendit, në trajtë vezake të zgjatur, që mban gjepin ku është mbështjellë filli i indit; sovajkë, mëqik; masur.

3. shih FURK/Ë,~A 2. Vë leshin në drugë. Tjerr me drugë.

4. krahin. Biga e llastikave për të vrarë zogj.

  • Mban një drugë shih te MBAJ.