dhomë

Shqip

Emër

dhomë f.

1. Secila nga pjesët e një banese (përveç kuzhinës e banjës), e ndarë më vete me mure dhe e pajisur me derë e me dritare më vete; secila nga të ndarat e një hoteli ku flenë bujtësit; kthinë. Dhomë e vogël (e madhe). Dhomë e ftohtë (e ngrohtë). Dhomë përdhese. Dhoma (oda) e mirë. vjet. dhoma e pritjes. Dhoma e pritjes (e miqve). Dhoma e gjumit (e ngrënies, e bukës). Dhoma e zjarrit (e dimrit) dhomë me oxhak a me sobë ku zakonisht rrinë në dimër. Dhomë tharjeje dhomë e posaçme që ajroset mirë e që shërben për të nderë e për të tharë rrobat e lara. Dhoma njëzet. Dhomë me diell (me lagështi). Dhomë me dy shtretër. Dritaret (dera, dyshemeja, muret) e dhomës. Muzikë dhome muzikë e qetë që ekzekutohet në salla të vogla. Lule (bimë) dhome lule (bimë) që kërkon mjedis të ngrohtë e pa shumë dritë, që rritet mirë në dhomë, që mbahet në dhomë. Shtëpi me dy (tri, katër)dhoma. Hotel me njëqind dhoma. Rregulloj (fshij, pastroj, ajroj) dhomën. Zë një dhomë me qira (në hotel). Fle (rri) në një dhomë me dikë.
2. Kthinë a e ndarë në një institucion në një ndërmarrje në një vend etj., e pajisur me orenditë e me mjetet e nevojshme për një qëllim a veprimtari të caktuar etj. Dhomë higjienike. Dhomat e lindjes. Dhoma e mjekut. Dhoma e mësuesve. Dhoma të pranimit. Dhoma e pionierit. Dhoma e punës me metal. Dhomë komandimi.
3. Tërësia e orendive që duhen për t'a pajisur një dhomë për nevojat përkatëse. Bleu një dhomë gjumi (një dhomë buke).
4. spec. Pjesë e një aparati, e një vegle e një makine etj. në trajtë te një kthine shumë të vogël, të një zgavre etj., e cila shërben për një veprim të caktuar; dhomëz. Dhoma e djegies. Dhoma e distilimit (e avullit). Dhomë thithjeje (tharjeje). Dhoma e aparatit fotografik.
5. spec. E ndarë e vogël me trajta të ndryshme ose zgavër e mbyllur a e kufizuar nga të gjitha anët në organet e qenieve të gjalla ose në pjesët e tyre, dhomëz. Dhoma e bashkimit. Dhoma e farës
6. polit. Institucion përfaqësues me pushtet legjislativ në disa vende borgjeze, organ legjislativ a asamble legjislative; tërësia e përfaqësuesve që përbëjnë këtë institucion. Dhoma e lartë (e ulët) Dhoma e deputetëve. Dhoma e komunave (e lordëve). Sistemi i dy dhomave.
7. Institucion shtetëror, që merret me organizimin e me drejtimin e veprimtarive të ndryshme ekonomike. Dhoma e tregtisë.