shkollë

Institucion arsimor ku mëson dhe edukohet në mënyrë të organizuar brezi i ri; një institucion i tillë i specializuar; ndërtesa e këtij institucioni; tërësia e nxënësve dhe e punonjësve të këtij institucioni.
Sistemi arsimor i një vendi; tërësia e institucioneve arsimore.
fig. Burim mësimesh e njohurish, veprimtari gjatë së cilës njeriu fiton përvojë të pasur dhe edukohet.
Arsim, mësim; zotërimi i shkrimit e i këndimit.
Drejtim i caktuar në fushën e shkencës, të artit, të letërsisë etj., që ka disa parime e metoda të veçanta; rrymë; tërësia e parimeve krijuese dhe e metodave të një drejtimi të tillë; tërësia e atyre që ndjekin një drejtim të tillë.
usht. Stërvitje, mësim. Shkollë shënjimi. Në bankat e shkollës në kohën kur dikush vijon mësimet në shkollë.